+ Blessuð sé minning Matta +

Matti froskur yfirgaf jarðneskt líf í gær!!

Dánardagur frosksins var 31. maí 2005 en hann gaf upp öndina um kvöldmatarleytið. Hann var staddur í búrinu sínu en hafði nýlega verið í baði því það var kominn tími á að þrífa búið hans. Dánarorsök gæti mjög sennilega verið hjartabilun sökum aldurs, enda orðinn 1 og hálfs árs, reyndar veit ég ekki hvað þessi dýr eiga að tóra lengi.
Aðdragandinn var sá að Matti hafði verið í fullu fjöri í skítuga vatninu sínu og var búrið hans tekið og þrifið. Fljótlega eftir að hann kom í hreina vatnið gaf hann upp öndina. Það skal tekið fram að búrið hans hefur mjög oft verið þrifið og yfirleitt varð hann mjög kátur þegar þær aðgerðir fóru fram.

Jarðaför frosksins hefur þegar farið fram, í kyrrþey, aðeins nánasta fjölskylda viðstödd.

Svei mér þá ef maður á ekki bara eftir að sakna litla dýrsins alveg helling, þrátt fyrir erjur öðru hvoru við bróður minn um það hver átti að taka að sér að þrífa búrið.