Síðustu dagar fyrir páskafrí :)

Aldeilis erilsöm en skemmtileg helgi að baki :) Tónleikar, dönskukennsla, bakstur, léttvínspottur, afmæli og fleira.

Hún Hallbjörg getur verið svo fyndin og átt þvílíka gullmola. Greinilega pínu gömul sál í henni því hún á það til að láta svo fyndnar fullorðinslegar setningar út úr sér. Þegar ég sótti hana til ömmu sinnar á laugadaginn var ég búin að fylla ísskápinn af kökum fyrir afmælið hennar og þegar sú stutta kom heim byrjaði hún á því að opna hann. Heyrist þá ekki úr eldhúsinu "Ég á bara ekkert einasta orð!!!" :)

EEEEEEEENNNNNNN haldið þið ekki að léttvínspotturinn hafi fallið í minn hlut um helgina. TALAN 2 var að meika það en ég hélt nú fyrst að um aprílgabb væri að ræða þegar stelpurnar fóru að senda til hamingju í símann minn :) Jamm orðin 10 flöskum ríkari og held að mér hreinlega endist ekki ævin til að drekka þetta allt saman. Sem betur fer rennur þetta nú ekkert út ...

En já svona til öryggis, tókst sko að gabba einhverja, múahaha, þá er færslan hér fyrir neðan að sjálfsögðu aprílgabb. Mér skilst að bakaríisvinnan hans Jonna hafi nú komið upp um þetta hjá ansi mörgum, fólk var ekkert að alveg að kaupa það og Jonna fannst nú að ég hefði alveg mátt láta hann hafa betri vinnu :)

EN jæja, það stefnir í óefni í tippleiknum. Við Jónurnar erum komnar í 5. sætið í riðlinum sem þýðir afturrúðubikarssæti. SHIT. Það sem pirrar mig mest er að þessi stigafjöldi okkar myndi duga okkur í toppsætið í tveimur riðlum. Já við erum sko í riðlinum þar sem keppendur kalla ekki allt ömmu sína. Höfum eina umferð til að bjarga okkur og munum svo sannarlega láta finna fyrir okkur.

Megið endilega vera dugleg að kommenta því það gerir þennan bloggheim miklu skemmtilegri :)

Kveð að sinni ....