USA (Boston)

Jæja. Komin heim frá Boston og þótt það sé nú alltaf frábært að fara út þá er ennþá betra að koma heim aftur!! Er gjörsamlega komin með uppí kok af ferðalögum ...... í bili ;)

En svona aðeins af ferðinni þá verslaði ég að sjálsögðu heil ósköp, enda hvernig annað hægt!! Fór og skoðaði Harvard og lenti í lífsháska á minn mælikvarða þar. Að standa alein í gluggalausu, litlu herbergi og vera allt í einu með hurðarhúninn í höndunum og hurðin læst er ekki skemmtilegt. TREYSTIÐ MÉR.

Svo sá maður auðvitað hinn víðfræga Cheers bar og dinner cruise siglingin stóð fyrir sínu. Fengum frábæran mat um borð og síðan voru þrír söngvarar sem sáu um fjörið og endað á diskóteki um borð.

Fór líka og hitti hana Elfu Þöll og átti með henni tvo frábæra sólarhringa. Hlakka mikið til að kíkja á hana þegar hún kemur í heimsókn á Ísland í ágúst með tilvonandi litla kríli :)

Að sjálfsögðu áttu skólaheimsóknir líka sinn þátt í ferðinni. Fór í þrjá mjög ólíka skóla, allt frá einkaskóla þar sem nemendur borga yfir milljón á ári fyrir að sitja í og alveg á hinn endann í skóla þar sem aðeins 6 nemendur af um 700 eru hvítir og 95 % nemendanna undir svokölluðum fátækramörkum og hafa allir upplifað að einhver í þeirra fjölskyldu eða þekkja til einhvers sem hefur verið myrtur. Mjög stór prósenta af nemendunum hafa líka átt heima í flóttamannabúðum svo það er óhætt að segja að maður hafi verið að skoða og upplifa eitthvað algjörlega nýtt!!

En jamm, ætla ekkert að hafa þessa ferðasögu lengri.... Sé fram á að ég muni blogga í algjöru lágmarki í sumar, margar góðar ástæður fyrir því..... Get ekki alveg útskýrt það þannig að það eigi heima á veraldarvefnum.....

Kveð í bili - Hugrún